மாவீரன் படத்துக்கு அதிதி ஷங்கர் வாங்கிய சம்பளம் இவ்வளவா?

பிரபல பிரமாண்ட இயக்குநர் ஷங்கரின் மகள் அதிதி ஷங்கர் கார்த்தியுடன் விருமன் படம் மூலம் தமிழ் சினிமாவில் கதாநாயகியாக அறிமுகம் ஆனார். முதல் படத்திலேயே இவர் சூப்பர் ஹிட் ஆனார். விருமன் படத்தை அடுத்து சிவகார்த்திகேயனுடன் மாவீரன் படத்தில் அதிதி நடித்து முடித்துள்ளார். இப்படம் நாளை மறுநாள் திரையரங்கில் வெளியாகிறது. பெரும் எதிர்பார்ப்பில் இருக்கும் இப்படத்தை மடோன் அஸ்வின் இயக்கியுள்ளார். இவர் இயக்கத்தில் இதற்கு முன் வெளிவந்த மண்டேலா திரைப்படம் மாபெரும் வெற்றிபெற்றது. இதனால் மாவீரன் படத்தின் மீது அளவுகடந்த எதிர்பார்ப்பை ரசிகர்கள் வைத்துள்ளனர். இந்நிலையில், தற்போது இப்படத்தில் ஹீரோயினாக நடித்துள்ள அதிதி ஷங்கர் வாங்கியுள்ள சம்பளம் குறித்து தகவல் வெளியாகியுள்ளது. இந்தப் படத்தில் நடித்ததற்காக அதிதி ஷங்கருக்கு ரூ. 25 லட்சம் சம்பளமாக வழங்கப்பட்டுள்ளதாக சினிமா வட்டரங்கள் தெரிவிக்கின்றன.