டிஐஜி மரணம், என் இதயத்தில் ரத்தம் வடிகிறது: இணையத்தில் உருகிய முன்னாள் டிஜிபி ஜாங்கிட்

கோவை சரக டிஐஜி விஜயகுமார் இன்று காலை துப்பாக்கியால் தனக்குத்தானே சுட்டுத் தற்கொலை செய்து கொண்ட சம்பவம் தமிழக காவல்துறையை பெரும் அதிர்ச்சிக்குள்ளாக்கியுள்ளது.

47 வயது இளம் ஐபிஎஸ் அதிகாரியின் இந்த முடிவுக்குப் பின்னால் இருந்தது என்ன என்பது குறித்து காவல்துறை விசாரணை நடத்தி வருகிறது. இந்நிலையில் டிஐஜி விஜயகுமார் குறித்து முன்னாள் டிஜிபி ஜாங்கிட் தனது மறக்க முடியாத நினைவுகளை பகிர்ந்து அஞ்சலி செலுத்தியுள்ளார். பேஸ்புக் பதிவில் ஜாங்கிட் கூறியுள்ள விஷயங்கள் இதோ….

‘‘My heart bleeds on hearing the socking news that our dear C Vijaykumar IPS, DIG Coimbatore is no more. No words to express my own grief as well as my deepest condolences to the bereaved family.

எங்கள் அன்புக்குறிய சி விஜய்குமார் ஐபிஎஸ், கோவை டிஐஜி அவர்கள் இப்போது இல்லை என்ற அதிர்ச்சி செய்தியை கேட்டதும் என் இதயத்தில் ரத்தம் வழிகிற. எனது துயரத்தை வெளிப்படுத்த வார்த்தைகள் இல்லை, அதே போல் பிரிந்து வாடும் குடும்பத்தினருக்கு எனது ஆழ்ந்த இரங்கலையும் தெரிவித்துக் கொள்கிறேன்.

09.01.2005 அன்று கும்மிடிப்பூண்டி அருகே அப்போது பதவியில் இருந்த எம்.எல்.ஏ திரு. சுதர்சனம் சுட்டுக் கொல்லப்பட்ட பரபரப்பான வழக்கைக் கண்டறிய சிறப்புக் குழு அமைக்கப்பட்டது. வடக்கு மண்டல ஐஜியான நான் நான்கு இளம் டி.எஸ்.பி.க்களில் ஒருவராக விஜயகுமாரை நான் தேர்ந்தெடுத்தேன். கொலையாளிகளை தேடி நாங்கள் நாடு முழுவதும் குறிப்பாக வட இந்தியா முழுவதும் சுற்றித் திரிந்தோம், இறுதியாக இந்த கொலையை நடத்தியது பவாரியா குற்றவாளிகள் என தெரியவந்ததும் அவர்கள் மீது எங்கள் கவனம் திரும்பியது, அவர்கள் தமிழ்நாடு முழுவதும் இதே போன்று 24 சம்பவங்களுக்கும், இந்தியா முழுவதும் சுமார் 100 சம்பவங்களுக்கும் காரணம் என்று கண்டறியப்பட்டது.

4 இளம் டி.எஸ்.பி.க்கள் தலைமையில் நான்கு குழுக்கள் நான்கு வட இந்திய மாநிலங்களுக்கும் பொறுப்பாக இருந்தனர். விஜய்குமார் பஞ்சாப் மற்றும் டெல்லி டீம் பொறுப்பாளராக இருந்தார். தேடுதலின் போது மிகவும் பயங்கரமான பவாரியா குற்றவாளிகளை பிடிப்பதில் அவர் முக்கிய பங்கு வகித்தார்.
நான் விஜய்குமார் மற்றும் பிற அதிகாரிகளுடன் புதுதில்லியில் உள்ள ஐடியா மொபைல் நிறுவனத்தின் அலுவலகத்தில் சந்தேகப்படும் குற்றவாளிகளின் மின்னணு கண்காணிப்பு மற்றும் மொபைல் சிடிஆர் பகுப்பாய்வு பற்றி விவாதித்தேன். திகார் சிறை வளாகத்தில் ஜெல்தார் சிங் பவாரியா விஜயகுமார் தலைமையில் விசாரணை நடந்தது.

படம் 4: முக்கிய குற்றவாளி ஓமா பவாரியா முறையே பஞ்சாப் மற்றும் உ.பி.யில் பிடிக்கப்பட்ட உடனேயே அவர்களிடம் விசாரணை.

புகைப்படம்: ஓமாவைப் பிடிக்க உதவிய உ.பி. எஸ்.டி.எப் அதிகாரிகளுடன் நானும் விஜய்குமாரும்.

நான், விஜய்குமார் மற்றும் பிற அதிகாரிகள் தர்மசாலாவில் (பாரத்பூர், ராஜஸ்தான்) எங்கள் உணவை சமைக்கிறோம்.

மீரட்டின் புறநகரில் இரண்டு பவாரியா குற்றவாளிகளை நாங்கள் சுட்டுக் கொன்ற நள்ளிரவு என்கவுண்டருக்குப் பிறகு மீரட் (உ.பி.) மாவட்ட காவல்துறை அலுவலகத்தில் எங்கள் செய்தியாளர் சந்திப்பு.

பவாரியா நடவடிக்கையின் முடிவில் நான் சென்னை நகர கூடுதல் காவல் ஆணையராக நியமிக்கப்பட்டேன். இந்த நிலையில் குரூப்ஒன் டிஎஸ்பியாக இருந்த விஜயகுமார் ஐபிஎஸ் ஆகும் நோக்கத்துடன் அதற்கான சிவில் சர்வீசஸ் தேர்வுக்கு படிக்க வேண்டும் என என்னிடம் தெரிவித்தார். அதற்கேற்றாற் போல பணிச்சுமை குறைவாக உள்ள பதவியில் அவரை பணியமர்த்தும்படி கேட்டுக் கொண்டார். இதனால் அவரை டிஜிபி அலுவலக தலைமையக பதவியில் அமர்த்தி அவர் தேர்வுக்குத் தயாராக முழு நேரத்தையும் செலவிட அனுமதி அளித்தேன். பின்னர் அவர் ஐ.பி.எஸ் தேர்வில் வெற்றி பெற்று எனக்கு முதலில் தகவல் தெரிவித்தார்.

தனது கடின உழைப்பு, நேர்மை, நிர்வாகத்திறமை, குழுப்பணி ஆகியவற்றின் மூலம் ஐபிஎஸ் பணியில் சேர்ந்ததில் இருந்து அவருக்கு வழங்கப்பட்ட அனைத்து முக்கியமான பணிகளிலும் அவர் தொடர்ந்து முத்திரை பதித்தார். அவர் உயிர் பிழைத்திருந்தால் இன்னும் பல விருதுகளை பெற்றிருப்பார். அவரது மறைவு அவரது குடும்பத்திற்கு ஒரு பெரிய இழப்பு மட்டுமல்ல, அவர் என் குடும்பத்தின் ஒரு அங்கமாக இருந்த எனக்கும் கூட; மேலும் எல்லாவற்றிற்கும் மேலாக தமிழக காவல்துறை அத்தகைய பிரகாசமான மற்றும் திறமையான அதிகாரியை இழந்துள்ளது. விஜயகுமாரை நாங்கள் அனைவரும் மிஸ் செய்கிறோம். உங்கள் ஆன்மா நித்திய சாந்தி அடையட்டும்.