சென்னை நகர போலீஸ் கமிஷனர் சந்தீப்ராய் ரத்தோர் எழும்பூர், ராஜரத்தினம் மைதானத்தில் புதிய குத்துச் சண்டை மேடை மைதானம் மற்றும் விளையாட்டு உபகரணங்கள் வைப்பறை ஆகியவற்றை திறந்து வைத்து விளையாட்டு உபகரணங்களை வழங்கினார்.
சென்னை நகர காவல்துறையைச் சேர்ந்த அதிகாரிகள், ஆளிநர்கள் பல்வேறு விளையாட்டுப் போட்டிகளில் பங்கேற்று மாநில அளவிலும், தேசிய அளவிலும் பதக்கங்களை பெறுகின்றனர்.
அதனால் அவர்களை ஊக்குவித்து பயிற்சி அளிக்கும் வகையில் சென்னை எழும்பூர் ராஜரத்தினம் மைதானத்தில் புதிதாக குத்துச்சண்டை மைதானம் அமைக்க தமிழக அரசு ரூ. 11 லட்சம் நிதி ஒதுக்கியுள்ளது. கமிஷனர் சந்தீப்ராய் ரத்தோர் ராஜரத்தினம் மைதானத்தில் அமைக்கப்பட்டுள்ள குத்துச்சண்டை மேடை மற்றும் விளையாட்டு உபகரணங்கள் வைப்பறையை திறந்து வைத்தார்.