சென்னை எழும்பூர் குழந்தைகள் நல மருத்துவமனைக்கு ஆவடி இரவு மாரத்தான் ஓட்ட நிதி ரூ. 4.75 லட்சம்: கமிஷனர் சந்தீப்ராய் ரத்தோர் வழங்கினார்

AVADI Night MARATHON – 2023, பாகம்-2 பிரபலமடைந்து வரும் ஒரு தனித்துவமான விளையாட்டு நிகழ்வை சென்னை பெருநகர காவல்துறை, ஆவடி காவல் ஆணையரகம் மற்றும் SDAT ஆகியவை இணைந்து நடத்தியது. இந்த இரவு மாரத்தான் நிகழ்வின் கருப்பொருள் “போதையில்லா தமிழகத்துக்காக ஓடு” என்பதாகும். இந்த மாரத்தான் கடந்த 02.10.2023 அன்று ஆவடியில் உள்ள வேல் டெக் ரங்கராஜன் டாக்டர்.சகுந்தலா R&D இன்ஸ்டிடியூட் ஆப் சயின்ஸ் அண்ட் டெக்னாலஜி வளாகத்தில் இரவு 07.00 மணிக்குத் தொடங்கி நடைபெற்றது. மீஞ்சூர்-வண்டலூர் வெளிவட்டச் சாலையில் 5 கிமீ, 10 கிமீ மற்றும் 21 கிமீ அரை மாரத்தான் ஓட்டம் மறக்க முடியாத உற்சாகம் நிறைந்த ஓட்டம் ஆகும். இந்த மாரத்தான் ஓட்டத்தை சென்னை பெருநகர காவல் ஆணையாளர் சந்தீப்ராய் ரத்தோர் கொடியசைத்து துவக்கி வைத்தார்.

இரவு மாரத்தான் போட்டிகள் மிகவும் அரிதானவை, இது 2016 ஆம் ஆண்டு முதல் சென்னையில் நடைபெறும் 2வது நிகழ்வாகும், மேலும் சர்வதேச ஓட்டப்பந்தய வீரர்களின் தேவைகளைப் பூர்த்தி செய்ய அனைத்து ஏற்பாடுகளும் சர்வதேச தரத்தில் செய்யப்பட்டன. சென்னையில் நடைபெறும் இரவு மாரத்தான் போட்டிகள் சென்னையை தேசிய மற்றும் சர்வதேச தரத்துக்கு கொண்டு செல்லும். வேல் டெக் பல்கலைக்கழகம், தி இந்து, சென்னை ரன்னர்ஸ், வேலம்மாள் நெக்ஸஸ், CPCL, பனிமலர் பொறியியல் கல்லூரி மற்றும் மெரிடியன் மருத்துவமனை போன்ற பல்வேறு பங்களிப்பாளர்களின் கூட்டு முயற்சியால் இந்த மாரத்தான் நடத்தப்பட்டது. ஆவடி இரவு மராத்தான்-2023, பாகம்-2, போதைப்பொருள் பற்றிய விழிப்புணர்வை முதன்மையாக உருவாக்குவதையும், “போதை வேண்டாம் என்று கூறுங்கள்” என்ற காரணத்தை ஊக்குவிப்பதையும், “தமிழ்நாட்டை போதைப்பொருள் இல்லாத மாநிலமாக மாற்றுவதையும் நோக்கமாகக் கொண்டுள்ளது. மேலும் இளைஞர்களிடையே ஆரோக்கியமான வாழ்க்கை முறை மற்றும் உடற்தகுதியை இந்த மாரத்தான் மேம்படுத்துகிறது.

இப்போட்டியில் 4,700க்கும் மேற்பட்ட ஓட்டப்பந்தய வீரர்கள் கலந்து கொண்டனர். ஆந்திரா, கர்நாடகா, கேரளா, மகாராஷ்டிரா, ஒடிசா, ராஜஸ்தான், பீகார், உத்தரபிரதேசம், ஜார்கண்ட், உத்தரகண்ட், சத்தீஸ்கர், சண்டிகர் போன்ற பல்வேறு மாநிலங்கள் மற்றும் கென்யா நாட்டைச் சேர்ந்த ஆர்வமுள்ள ஓட்டப்பந்தய வீரர்கள் இந்த நிகழ்ச்சியில் பங்கேற்றனர். பங்கேற்பாளர்கள் / ஓட்டப்பந்தய வீரர்களுக்கு டி-சர்ட்டுகள், ஃபினிஷர்ஸ் மெடல் மற்றும் சிற்றுண்டிகள் வழங்கப்பட்டன. 10 கிமீ & 21 கிமீ அரை மாரத்தான் போட்டிகளில் கலந்து கொண்டு வெற்றி பெற்றவர்களுக்கு ரொக்கப் பரிசுகள், பதக்கங்கள் மற்றும் சான்றிதழ்கள் வழங்கப்பட்டன.

மேலும் ஒரு உன்னதமான காரணத்திற்காக தொண்டு செய்யும் நோக்குடன் மாரத்தான் பங்கேற்பாளர்களிடமிருந்து குறைந்தபட்ச பதிவு கட்டணம் வசூலிக்கப்பட்டது. இன்று (05.10.2023) சென்னை பெருநகர காவல் ஆணையாளர் சந்தீப் ராய் ரத்தோர் குழந்தைகள் நலப் பாதுகாப்புக்காக, எழும்பூரில் உள்ள குழந்தை நல மருத்துவமனைக்கு ரூ. 4,74,000- மதிப்பிலான காசோலையை வழங்கினார். குழந்தைகள் நல மருத்துவமனை RMO திரு. வெங்கடேசன் மற்றும் PRO கங்காதரன் ஆகியோர் காசோலையை பெற்றுக்கொண்டனர்.